दक्षिण कोरियामा मानव तस्करी गरेको आरोपमा कलाकार राजेन्द्र खड्गी पक्राउ

Posted on: February 08, 2018 | views: 16616

काठमाडौं ।

सांगितिक कार्यक्रमको लागि कलाकारको रुपमा केही व्यक्तिलाई दक्षिण कोरिया लगेर उतै छाडेर आएको आरोपमा मानवतस्करीको अभियोगसहित प्रहरीले कलाकार एवम्ं द्वन्द्व निर्देशक राजेन्द्र खड्गीलाई पक्राउ गरेको छ ।


केन्द्रीय अनुसन्धान ब्यूरो सीआईबीले खड्गीलाई पक्राउ गरेको हो।

सीआईबीका प्रवक्ता एसपी जीवन श्रेष्ठले खड्गीलाई मानव बेचबिखनको मुद्दामा अनुसन्धान गर्न काठमाडौं जिल्ला अदालतबाट पाँच दिनको म्याद लिएको जानकारी दिए ।


उनका अनुसार खड्गीले अन्य मुलुकमा पनि मानिसहरु लगेर छाडेको विषयमा समेत अनुसन्धान अगाडी बढेको छ ।

डीआईजी कार्कीले अन्य केही कलाकारको नाम समेत मानव तस्करीमा जोडिएको विषयमा सीआईबीले अनुसन्धान गर्ने बताए ।