‘मेरो उमेर २५ बर्ष नै भो जस्तो लाग्छ’-राजेश हमाल (फोटो फिचर)

Posted on: October 16, 2017 | views: 768

रुकुम ।

नेपाली चलचित्र क्षेत्रका महानायक राजेश हमाल रुकुम मुसिकोटमा चलेको रुकुम पर्यटन तथा साँस्कृतिक महोत्सवमा आफ्नो प्रस्तुती देखाएका छन ।

११ दिनसम्म चलको महोत्सवको आज अन्तिम उनले आफ्नो प्रस्तुती देखाएका हुन । 

उनको प्रस्तुती हेर्न गाउँगाउँबाट ठुलो संख्यामा दर्शकहरुको सहभागीता थियो भने रुकुम मुसिकोटमा पुगे लगतै उनलाई भव्य स्वागत पनि गरिएको थियो ।

कार्यक्रममा बोल्दै महानायक हमालले आफ्नो उमेर अहिले पनि २५ बर्ष नै हो जस्तो लाग्ने गरेको बताए । ‘२८ बर्ष त नेपाली चलचित्र क्षेत्रमा नै बिताईसकेको छु’ उनले भने, ‘तर मेरो उमेर अहिले पनि २५ बर्ष नै भो जस्तो लाग्छ, म माथी २५ बर्षकै युवाको जस्तो जोस अझै छ अनी तपाईहरुले पनि मलाई माया गरिरहनु भएको छ ।‘


कुनै पनि मानिस उमेरले बुढो नहुने भन्दै उमेर ढल्केर पनि युवा जस्तै जोस जाँगर देखाईराख्ने हो भने मान्छे कहिलै बुढो नहुने बताए ।

दर्शकहरुको चर्काे हुटिङ र हौसलाका साथ राजेश हमालले फिल्मी डाईलग शैलीमा भने, ‘सुर्य कहिले पनि पश्चिमबाट उदादैन अनी राजेश हमाल कहिले पनि बुढो हुदैन ।’ 




राजेश हमाल ‘चट्ट रुमाल’ भन्ने फिल्मी गीतमा आफ्नो प्रस्तुती दर्शकमाझ देखाएका थिए ।

त्यस्तै गायक तिलक परियारले गाएको ‘सगालैका बारिमा तोरी हरियो, लाग्दैन बाडुल्की माया मरियो’ भन्ने स्थानीय टप्पा भाकामा गाईएको गीतमा पनि खुलेरै दर्शकसगै नाँचेका थिए । राजेश हमालको प्रस्तुती बेला सयौ मोबाईलहरु तस्बिर र भिडियोका लागि उनीतिर तेस्रीएका थिए ।