'म यति गोरी, म यति राम्री बोलको गीत सार्वजनिक' 

Posted on: May 03, 2016 | views: 215

काठमाडौं । गायककार डेनी रेग्मीको म यति गोरी, म यति राम्री बोलको गित सार्वजनिक भएको छ । प्रायः गितमा आफुमा भएको विशेषता वा शारिरीक बनोटलाई बढाईचढाई गर्ने गरेको पाइएतापनि रेग्मीको भिडियोमा आफ्नै मौलिक पन झल्कन्छ । म यति गोरी, म यति राम्री, म यति अग्ली, म यति हँसिली जस्ता शब्दले रेग्मीको गित झन् सुनौसुनौ बनेको छ । 

उक्त भिडियोलाई गितकार किरण बरालले चलनचल्तीका शब्दहरु राखेर भिन्न बनाइदिएका छन् । 
आफैलाई बढाईचढाई गरेको या आफुलाई केही होइन भनेर नजरअन्दाज गरिने पाटो हाबी भएका नेपाली गितको भीडमा आफुलाई बढी वा घटी केही नभएर ठिक्कको हो भन्ने भाव बोकेको गीत हो । ललितपुरको सिलौटा रिसोर्टलाई कलात्मक रुपमा प्रयोग गरिएको भिडियोलाई निशान घिमिरेले सम्पादन गरेका हुन् । यसभन्दा अगाडि मैले चोलीको तुनामा बोलको गीत गाएर स्रोतामाझ चिनिएकी रेग्मी यस गीतले आफ्नो सांस्कृतिक पहिचानलाई अझ दर्शकमाझ फैलाउने विश्वास लिएकी छन् । आशिष एल्बममा समेटिएको यस गीतलाई भिजन नेपाल फिल्मस् एण्ड इन्टरटेन्मेन्टले बजारमा ल्याएको हो ।