नेपाल आइडल फिनालेमा बुद्ध, प्रताप र निशान, 'सागर आउट' कसले कति भोट पाए ? (भिडियो सहित)

Posted on: September 09, 2017 | views: 1054

काठमाडौं ।

सांगितिक रियालीटि शो ‘नेपाल आइडल’को फाइनल छनौटका क्रममा सागर आले बाहिरिएका छन् ।


अन्तिम चारको प्रतिस्पर्धाबाट दर्शकहरुले दिएको भोटको आधारमा सागर आले आउट भएका हुन्  ।


टप चारको मत परिणाम सार्वजनिक गत हप्ता नगरेको भन्दै अदालतमा समेत मुद्दा परेको विषय शुक्रबार फैसला भएपछि मतपरिणाम सार्वजनिक हुँदा आले बाहिरिएका हुन् ।


शुक्रबार आयोजकले अदालतमा बुझाएको बिबरणअनुसार बुद्ध लामाले सबैभन्दा धेरै भोट पाएका छन् ।


भदौ १६ गते रातीदेखि १७ गते अपरान्ह १२ बजेसम्म एसएमएस र अनलाइनबाट प्राप्त भोटमध्ये बुद्धले ११ लाख ४५ हजार ५३८ भोट पाएको नेपाल आइडलले अदालतमा बुझाएको जानकारीमा उल्लेख छ ।


यस्तै प्रतियोगिताबाट बाहिरिने हल्ला चल्दै आएका र डेन्जर जोनमा पर्दै आएका प्रताप दासले यस पटक दोस्रो बढी मत पाएका छन् । तेस्रोमा भने निशान भट्टराई देखिएका छन् ।


मत संख्याका आधारमा बुद्धले एसएमएसबाट ६ लाख ९१ हजार ५७ मत पाएका छन् भने अनलाइन भोटिङबाट ४ लाख ५४ हजार ४ सय ८१ मत पाएका छन् ।


दोस्रो नम्बरमा रहेका प्रताप दासले ८ लाख ९३ हजार ३ सय ४७ मत पाएका छन् । 


उनले ७ लाख १४ हजार ९ सय ९९ मत एसएमएसबाट र १ लाख ७८ हजार ३ सय ४८ मत अनलाइनबाट पाएका छन् ।


तेस्रो नम्बरमा रहेका निशान भटराईले ८ लाख ७१ हजार ४ सय ८० मत पाएका छन् । उनले अनलाइनबाट ३ लाख ७१ हजार १४९ मत पाएका छन् भने एसएमएसबाट ५ लाख ३ सय ३१ मत पाएका छन् ।


थप थ्रि छनौटबाट बाहिरिएका चौथो नम्बरमा रहेका सागर आलेले ८ लाख ९ हजार ९ सय १५ भोट पाएका छन् । उनले एसएमएसबाट ४ लाख १९ हजार ८ सय ७५ मत पाएका छन भने अनलाइनबाट ३ लाख ९० हजार ४० मत पाएका छन् ।


नेपाल आइडलको फाइनल प्रस्तुती भने आगामी साता हुने बताइएको छ । एकहप्ता भोटिगं खुल्ला गरेर नेपाल आइडलको फाइनल शो भने दोहाको कतारमा गरिंदैछ ।