वुटवलमा राजश्व अनुसन्धानद्धारा २० करोड राजश्व संकलन

Posted on: July 19, 2017 | views: 191

बुटवल ।

राजश्व अनुसन्धान पश्चिमाञ्चल क्षेत्रीय कार्यालय बुटवलले गत आर्थिक वर्षमा २० करोड ४० लाख रुपैया राजश्व संकलन गरेको छ ।

आर्थिक वर्ष ०७३।०७४ का लागि २० करोड राजश्व संकलनको लक्ष्य निर्धारण गरिएकोमा लक्ष्यभन्दा ४० लाख रुपैया बढी राजश्व संकलन भएको कार्यालय प्रमुख नरेन्द्रप्रकाश पाण्डेले जानकारी दिनुभयो ।

अघिल्लो आर्थिक वर्ष अर्थात ०७२।०७३ को तुलनामा यो राजश्व ३ सय २८ प्रतिशतले वृद्धि हो । यस कार्यालयले ०७२।०७३ मा ६ करोड २१ लख रुपैया राजश्व संकलन गरेको थियो । 

कार्यालयले अनुसन्धानबाट १४ करोड ७० लाख रुपैया राजश्व र चोरी निकासी पैठारीबाट ४ करोड ३९ लाख जरीवाना असुली गरेको छ ।