१३ जलविद्युत् कम्पनीको साधारण सेयर आउँदै

Posted on: June 27, 2017 | views: 366

काठमाडौं ।

निकट भविष्यमा विभिन्न १३ वटा जलविद्युत् कम्पनीका साधारण सेयरमा सर्वसाधारणले लगानीको अवसर पाउने भएका छन् । 


विभिन्न क्षेत्रका १९ कम्पनीले साधारण सेयर र थप सेयर निष्कासन 'एफपिओ' का लागि धितोपत्र बोर्डमा निवेदन दिएकामध्ये १३ कम्पनी जलविद्युत् क्षेत्रसँग नै सम्बन्धित छन् । 


जलविद्युत् आयोजनाबाट साधारण सेयर जारी गर्न पाऊँ भन्दै आवेदन दिनेको सङ्ख्यामा समेत वृद्धि भएको धितोपत्र बोर्डले जनाएको छ । 


जलविद्युत् कम्पनी, आयोजना प्रभावित स्थानीयवासी र आम नागरिकलाई सेयर निष्कासनका लागि निवेदन दिन आह्वान गरिएको बोर्डका उपनिर्देशक निरञ्जय घिमिरेले जानकारी दिनुभयो । 


स्वतन्त्र ऊर्जा उत्पादकहरूको संस्था ९इपान०का अध्यक्ष शैलेन्द्र गुरागाईं लगानीका लागि उपयुक्त क्षेत्रका रूपमा जलविद्युत् आयोजना देखिएकाले सङ्ख्यामा समेत वृद्धि भएको जानकारी दिनुभयो ।