सातामा शेयर कारोबार ४.२७ प्रतिशतले वृद्धि

Posted on: May 27, 2017 | views: 204

काठमाडौं ।

गत साताभर घटेको नेपाली शेयर बजारको परिसूचक नेप्से यो साता २।३४ अंकले बढेर अन्तिम दिन १६२९.५८ अंकमा पुगेको छ । यो साता शेयर बजारको कारोवार रकम पनि गत साताको तुलनामा ४.२७ प्रतिशतले बढेको छ । 


यो साता नेपाल स्टक एक्सचेन्जमा १५५ कम्पनीहरुको कारोबार भएको छ । जस अनुसार २३७३५ कारोबारबाट दुई अर्ब ६९ करोड १९ लाख ४८ हजार रुपैयाँ बराबरका ४५ लाख ६७ हजार ९० कित्ता सेयरहरु किनबेच भएका छन् । 


यसैगरी यो साता समूहगत परिसूचक तर्फ विकास बैक, वित्त,उत्पादनमुलक र अन्य समूहको कारोवारमा सुधार भएको छ भने बाणिज्य बैक, होटेल, जलविद्युत र बिमा समूहको कारोवारमा घटेको छ ।


यो साता कारोबार रकमको आधारमा हिमालय जनरल इन्स्योरेन्स कम्पनी लिमिटेड,कारोबार भएको सेयर संख्याको आधारमा ललितपुर फाइनान्स कम्पनी लिमिटेड र कारोबार संख्याको आधारमा मेरो माइक्रोफाइनान्स वित्तीय संस्था लिमिटेड अग्रस्थानमा रहेको छ ।