चिनियाँ जहाज दुई महिनादेखि विमानस्थलमा‘ग्राउन्डेड’

Posted on: May 02, 2016 | views: 175

७ पुष, काठमाडौं  ।
आन्तरिक उडान चुस्त बनाई उल्लेख्य व्यापार गर्ने लक्ष्यसहित राष्ट्रिय ध्वजावाहक नेपाल वायुसेवा निगमले चीनबाट ल्याएका दुईमध्ये एउटा जहाज दुई महिनादेखि थन्किएको छ । कुनै प्राविधिक समस्या भएर जहाज थन्किएको भने होइन, यो जहाज उडाउन आवश्यक प्रशिक्षक पाइलट (आईपी) नहुँदा दुई महिनादेखि त्रिभुवन विमानस्थलमा ‘ग्राउन्डेड’ छ । चिनियाँ जहाज निर्माता कम्पनि हार्बिन एयरक्राफ्ट इन्डस्ट्री ग्रुप कम्पनी लिमिटेडबाट आएका लाओसका आइपीको म्याद सकिएपछि उक्त जहाज थन्किएको हो ।

जहाज निर्माताले १८ सिटयुक्त भने पनि १७ यात्रु अट्ने ‘वाई १२–ई’लाई उडाउन निगम व्यवस्थापनले दुई महिनादेखि प्रशिक्षक पाइलट व्यवस्था गर्न सकेको छैन । आजको नागरिक दैनिकमा खबर छ ।