मुस्ताङका होटल आन्तरिक पर्यटकलेनै भरिभराउ

Posted on: April 21, 2017 | views: 293

मुस्ताङ ।

पर्यटकीय मौसम सुरु भएसँगै मुस्ताङका होटल आन्तरिक पर्यटकले भरिभराउ भएका छन् । 


चैत महिनाको पहिलो सातादेखि पर्यटकको आवागमन बढेपछि जिल्लाका होटल भरिभराउ हुन थालेका हुन् । 


फागुन अन्तिम सातादेखि असोज महिनासम्म मुस्ताङ भ्रमणका लागि उपयुक्त मौसम मानिन्छ ।

माटोको सहर लोमान्थाङ, तिब्बती कला संस्कृति, मुक्तिनाथ, कागबेनी, दामोदरकुण्ड र फरक भू–बनोटका कारण मुस्ताङमा यस मौसममा हजारौँ आन्तरिक पर्यटक पुग्ने गरेका मुस्ताङका पर्यटन व्यवसायी खगेन्द्र तुलाचनले जानकारी दिनुभयो ।


नयाँ वर्ष मनाउन र चैतेदसैँ पर्वको अवसरमा मात्रै बेनी हुँदै सात हजार पर्यटक कागबेनी र मुक्तिनाथ पुगेको अनुमान गरिएको छ । 


मुस्ताङको “लेतेदेखि माथि मुक्तिनाथसम्म करिब १५० होटल सञ्चालनमा रहेका छन ।