विश्व बैंकद्वारा १० अर्ब बढी ऋण सहयोग

Posted on: April 11, 2017 | views: 307

काठमाडौं ।

विश्व बैंकले नेपाललाई वित्तीय क्षेत्रको दीगो विकासका लागि करिब १० अर्ब ७० करोड रुपियाँ ऋण सहयोग प्रदान गर्ने भएको छ ।


बजेटरी सहयोगका रुपमा राष्ट्रिय कोषमा प्राप्त हुने सहयोग रकम सरकारले आवश्यकता एवम् प्राथमिकताका क्षेत्रमा खर्च गर्न सक्ने अर्थ मन्त्रालयले जनाएको छ ।


सहयोगसम्बन्धी सम्झौतामा अर्थ सचिव डा. शान्तराज सुवेदी र विश्व बैंकका नेपालस्थित देशीय निर्देशक क्युमिआओ फानले आज अर्थ मन्त्रालयमा हस्ताक्षर गर्नुभयो ।


ऋण सहयोग वित्तीय क्षेत्रको विकास, वित्तीय प्रणालीको पुनर्निर्माण एवं सुदृढीकरण, वित्तीय क्षेत्रका कानूनी संरचनाको सुदृढीकरण र बैकिङ क्षेत्रमा सुशासन तथा पारदर्शिता लगायतका क्षेत्रमा उपयोग हुने जानकारी अर्थ मन्त्रालयले दिएको छ ।