जापान कोरियादेखी अष्ट्रेलिया उडान भर्न निमगद्धारा एयरबस खरीद सम्झौता

Posted on: April 07, 2017 | views: 313

काठमाडौं ।

नेपाल वायुसेवा निगमले दुईवटा ए ३३०–२०० वाइडबडी एयरबस खरीद गर्ने सम्झौतामा आज काठमाडौंमा हस्ताक्षर भएको छ ।


सम्झौतामा निगमका महाप्रवन्धक सुगतरत्न कंसाकार र एयरबस बिक्रेता कम्पनी एएआरका तर्फबाट दीपक शर्माले हस्ताक्षर गर्नुभयो ।


निगमले दुईवटा वाइडबडी एयरबस २० करोड ९६  लाख अमेरिकी डलर अर्थात करिब २१ अरबमा खरिद गर्न लागेको हो । 


सम्झौता लगत्तै निगमले पहिलो किस्तावापत कूल खरीद मूल्यको करिव ३५ प्रतिशत रकम पठाउने सहमति भएको छ ।


निगमले खरीद गर्न लागेको वाइडबडी एयरबसमा २५० देखि २८० सीट हुने निगमबाट आज जारी प्रेस–विज्ञप्तिमा जनाइएको छ ।


नेपाल वायुसेवा निगम र एएआरबीचको सम्झौता अनुसार निगमलाई दुबै वाइडबडी एयरबस आगामी सन् २०१८ को दोस्रो चौमासिकमा हस्तान्तरण गरिने छ ।


नयाँ विमानबाट दक्षिण कोरिया, जापान, अष्ट्रेलिया, साउदी अरेबिया जस्ता गन्तव्यहरुमा उडान भर्ने योजना रहेको निगमले जनाएको छ ।