वैशाख १ मा नआउने भयो मेलम्ची, एक वर्षभित्र सुरुङ खनिसक्न दबाब 

Posted on: May 02, 2016 | views: 317

काठमाडौं,चैत ३ । वैशाख १ देखि राजधानीको धारामा मेलम्चीको पानी ल्याउने योजना अन्ततः गफमै सीमित भएको छ । आयोजनाको मुख्य काम २७ किमी सुरुङ निर्माणमध्ये मंगलबार सम्म १४.८ किमीमात्र सम्पन्न भएपछि नयाँ वर्षसँगै मेलम्चीको पानी पिउने राजधानीबासीको चाहना पूरा नहुने भएको आजको कारोबार दैनिकमा समाचार छ ।
सरकारी योजनाअनुसार यतिबेलासम्म सुरुङ निर्माणका सबै काम सम्पन्न भई हस्तान्तरण भइसक्नुपर्ने थियो । मेलम्चीको २७ मध्ये २१ किमी सुरुङ ३० महिनाभित्र सक्ने प्रवितद्धतासहित ०७० साउनमा इटालियन को अपेराटिभा मुरातोरी एन्ड केमेन्टेस्टी र भारतीय कम्पनी दि-राभेनाको संयुक्त उपक्रमले ७ अर्ब ७० करोधड रुपैयाँमा ठेक्का सकारेका थिए ।
ठेकेदारले ठेक्का लिँदा दैनिक ३५ देखि ४० मिटर सुरुङ खनेर भदौमा काम सक्ने कार्यतालिका सरकारलाई बुझाएका थिए ।
सरकारले सोही कार्यतालिका अनुसार ०७३ वैशाखमा मेलम्चीको पानी राजधानीमा वितरण गर्ने योजना सार्वजनिक गरेको थियो ।