झलनाथ खनाल पुत्रको अवरोध हटेपटि भैरहवा विमानस्थल निर्माण पुनः सुरु

Posted on: April 05, 2017 | views: 473

भैरहवा ।

एमाले वरिष्ठ नेता झलनाथ खनाल पुत्रको अवरोधका कारण रोकिएको भैरहवा बिमानस्थल निर्माणकाम पुन सुरु भएको छ ।


चिनियाँ ठेकेदार कम्पनीसँग विवाद गरि काम रोकेको निर्भिक खनालको नेपाल इन्फ्रा प्रालिले भैरहवास्थित गौतमबुद्ध विमानस्थल निर्माणबाट काम झिकेपछि काम पुन सुरु भएको हो ।


विमानस्थल निर्माण कार्यको ठेक्का पाएको चिनियाँ कम्पनी र सब कन्ट्र्याक्टर नेपाली कम्पनीबीच रकममा विवाद हुँदा १५ दिनदेखि रोकिएको विमानस्थलको निर्माण आइतबारदेखि सञ्चालन भएको विमानस्थल स्तरोन्नति आयोजनाले जनाएको छ ।


राष्ट्रिय गौरवको आयोजनाका रूपमा रहेको गौतमबुद्ध अन्तराष्ट्रिय विमानस्थल निर्माणको जिम्मा पाएको चिनियाँ कम्पनी नर्थ वेस्ट सिभिल एभिएसन एअरपोर्ट कन्सट्रक्सन आफैँले काम सुरु गरेको आयोजनाका निर्देशक ओम शर्माले जानकारी दिए ।

पछि हट्यो विमानस्थल निर्माणमा भाँजो हाल्दै आएको खनाल पुत्रको कम्पनी