स्थानिय चुनावको लागि पर्याप्त ईन्धन भण्डारण सुरु

Posted on: February 23, 2017 | views: 390

काठमाडौं ।
स्थानीय तह निर्वाचनलाई ध्यानमा राखेर पूर्ण क्षमतामा पेट्रोलियम पदार्थको भण्डारण राख्ने काम भइरहेको आपूर्ति मन्त्रालयले जनाएको छ ।

आपूर्ति मन्त्रालयका सचिव प्रेमकुमार राईले हाल मुलुकमा पेट्रोलियम पदार्थको कूल भण्डारण क्षमता ७१ हजार किलोलिटर भएकाले सोही अनुसार पेट्रोलियम पदार्थ भण्डारण गर्ने प्रयास भइरहेको जानकारी दिएका छन् ।

आपूर्ति सचिव राईले पेट्रोलियम पदार्थको भण्डारण क्षमता बढाएर मुलुकलाई ९० दिनसम्मलाई पुग्नेगरी पेट्रोलियम पदार्थको भण्डारण गर्न देशका सातवटै प्रदेशमा पेट्रोलियम पदार्थ भण्डारण डिपो निर्माणका लागि हाल जग्गा छनौटको काम थालिएको उनको भनाई छ ।

आगामी आर्थिक वर्षमा सातवटै प्रदेशमा जग्गा खरीद गरिने जानकारी दिनुहुँदै आपूर्ति सचिव राईले नेपाल आयल निगम, साल्ट ट्रेडिङ कर्पोरेशन, निजीक्षेत्र र छिमेकी देशहरुको सहयोग समेतमा डिपो निर्माण गर्ने गरी छलफल भइरहेको बताए ।