किन भयो उपत्यकामा फेरी इन्धनको चरम अभाव ? जताततै लामो लाइन

Posted on: February 19, 2017 | views: 608

काठमाडौं,फागुन ८ । उपत्यकामा फेरी इन्धनको चरम अभाव भएको छ । अधिकांश पेट्रोल पम्पमा तेल नपाएपछि सार्वसाधारणहरु लामो लाईन बसिरहेका छन् । शुक्रबार ट्याङकर चालक आन्दोलनले पेट्रोलियम पदार्थ ढुवानी भएन । नेपाल आयल निगमले हालै कार्यान्वयनमा ल्याएको ढुवानी विनियावली २०७३ लाई लिएर ट्यांकर क्षेत्र केन्द्रीय समन्वय समितिले गरेको सांकेतिक आन्दोलनका कारण मुलुकभर इन्धनको चर्को हाहाकार भएको छ ।

निजीमात्र नभएर सरकारी पम्पलेसमेत तेल नदिएपछि उपभोक्तालाई सास्ती भयो । एक दिन अवरोध हुनासाथ बजारमा पेट्रोलियम अभाव हुने अवस्थामा निगमको व्यवस्थापन कमजोर हुँदा पटक पटक यस्तो हुने गरेको छ । सो समितिले नयाँ ढुवानी नियमावलीलाई लिएर शुक्रबार नेपालको सम्पूर्ण डिपोमा लोड र अनलोडसम्बन्धी काम ठप्प गरी सांकेतिक आन्दोलन ९टोकन स्ट्राइक० थालेको छ । यसको प्रभाव शनिबारदेखि नै परिसकेको छ । अधिकाँश पम्पहरु इन्धन अभावमा बन्द भएका छन् भने भएका पम्पमा पनि लामो लाइन देख्न थालिएको छ ।

समितीले वार्ता र सम्वादको माध्यमबाट निगमले १४ फागुनभित्र मजदुरको रोजगारीसम्बन्धी व्यवस्था नहटाए १५ गतेदेखि भारत र नेपालको डिपोमा हुने इन्धनको सम्पूर्ण लोड र अनलोड प्रक्रिया अनिश्चितकालका लागि ठप्प पार्ने चेतावनीसमेत दिएको छ । निगमले कार्यान्वयनमा ल्याएको विनियावलीमा एक जनाले पाँच वटाभन्दा कम संख्यामा इन्धन ट्यांकर राख्न नपाउने व्यवस्था गरिएको छ । पुरानो विनियावलीमा एक जनाले एक ट्यांकर राख्न पाउने व्यवस्था छ । निगमले गत पुसदेखि सो नियमावली कार्यान्वयनमा ल्याएको हो । विनियावलीमा आफूहरुलाई बेरोजगार बनाउने व्यवस्था गरिएको भन्दै समितिले मजदुरको रोजगारीमा प्रत्यक्ष प्रभाव पार्ने खालका प्रावधान विनियावलीबाट तत्काल हटाउनुपर्ने माग अघि सारेको छ ।