दुखले उब्जाको अदुवा नबिकेपछि किसान मर्कामा

Posted on: January 20, 2017 | views: 372

धनकुटा ।
बाँदरले कुनैपनि बाली खान नदिएपछि गाउँनै मिलेर अदुवा खेती लगाएका धनकुटा २ वारीपात्लेका किसानहरु यतिबेला तनावमा परेका छन् ।

भारतिय ब्यपारीहरुले अदुवामा बिभिन्न बिषादी र रसायनिक मल मिसाएको बहाना देखाउँदै अदुवा लान नमानेपछि उक्त गाउँ स्थित डाँडाबारी टोलका ३२ परिवारले अदुवा नखनी बसेको छन् ।

अदुवा किन्न कोहि नआएपछि  ६ रोपनी क्षेत्रफलमा अदुवा लगाएरका उक्त गाउँका धनकुमारी घिमिरेले अहिले सम्म अदुवा नखनेको जानकारी दिनुभयो।

गत बर्ष प्रति केजी ६० रुपैंया सम्ममा ६ हजार केजी अदुवा बेचेर १ लाख ५५ हजार कमाएका उनले यो बर्ष ब्यापारी नै नआउँदा प्राय सबै गाउँलेहरुले अदुवा नखनी बसेको उनले बताईन् ।

त्यस्तै सोहि गाउँकी कमला पराजुलीले पनि गत बर्ष प्रति केजी ६० देखि ६५ रुपैंया सम्म अदुवा बेचे पनि यो बर्ष एकाध ब्यपारी आएर १५ केजीले मागे पनि नलगेको जानकारी दिनुभयो ।

५ रोपनीमा अदुवा लगाएर गत बर्ष १ लाख २० हजार सम्म कमाएका उनले गाउँका सबै किसानहरु तनावमा रहेको बताउनुभयो ।

उक्त गाउँका अगुवा कृषक यज्ञ बहादुर कार्कीका अुसार भारतिय पक्षले अदुवामा बिभिन्न बिषादी लगाएको खोट देखाए पछि अदुवा नबिकेको हो ।

अदुवामा कुनै पनि रसायनिक मल र बिषादी प्रयोग नहुने भएपनि अदुवा नबिक्नुमा भारु हजार र पाँच सयको नोटमा लगाएको प्रतिबन्धका असर हुन सक्ने उनको धारणा छ ।

५ बर्ष अघि देखि बाँदरको पिरले अदुवा खेती अपनाएका उक्त गाँँका ३२ किसान परिवारले बार्षिक १ सय ५० टन अदुवा निकासी गर्ने गरेको अर्का किसान पुण्य प्रसाद खतिवडाको भनाई छ ।

जिल्ला कृषि बिकास कार्यालय धनकुटाको तथ्यांक अनुसार धनकुटामा २ सय ५० हेक्टरमा अदुवा खेती हुने गर्दछ ।