पुनःनिर्माणमा करिब पाँच करोड क्युफिट काठ चाहिने

Posted on: January 15, 2017 | views: 375

काठमाडौं ।
सरकारले भूकम्पबाट प्रभावित ३१ जिल्लामा क्षतिग्रस्त निजी घर, सरकारी भवन, विद्यालय, स्वास्थ्य संस्था, पुरातात्विक संरचनाको पुनःनिर्माणका लागि जम्मा चार करोड ७८ लाख ६० हजार ७४५ क्युबिक फिट ९क्युफिट० काठ आवश्यक पर्ने जनाएको छ ।

वन तथा भू–संरक्षण मन्त्रालयले भूकम्प प्रभावित जिल्लामा वार्षिक रुपमा ९५ लाख ७२ हजार क्युफिटका दरले पुनःनिर्माणको पाँच वर्षको अवधिमा सो परिणाममा काठ आवश्यक पर्ने जनाएको छ ।

मन्त्रालयले हालसम्म ३५ हजार ९९० निजी घर, १६७ सरकारी भवन पुनःनिर्माणका लागि सात लाख २७ हजार २०८ क्यूफिट काठ वितरण गरिसकेको मन्त्रालयका प्रवक्ता पेमनारायण कँडेलले जानकारी दिनुभयो ।