कुखुरा उत्पादनमा नेपाल आत्मनिर्भर

Posted on: January 14, 2017 | views: 421

काठमाडौं ।
मुलुकको कुल गार्हस्थ्य उत्पादनमा ३.५ प्रतिशत योगदान रहेको पोल्ट्री अर्थात कुखुरा उद्योगमा मुलुक आत्मनिर्भर भएको छ ।

पोल्ट्री व्यवसायमा हाल एक लाख ५० हजार किसान संलग्न रहेका छन् भने वार्षिक कुखुराको मासु १० करोड ७९ लाख केजी उत्पादन हुने गरेका छन् ।

मुलुकमा रहेका पोल्ट्री व्यवसायमध्ये ६० प्रतिशत हिस्सा चितवनले मात्र ओगटेको छ ।

चितवनमा उत्पादन भएको कुखुरा र अन्डाको ८० प्रतिशत खपत राजधानीमा हुने गरेको अन्डा उत्पादक सङ्घका अध्यक्ष शिवराम केसीले जानकारी दिनुभयो ।

नेपालमा कुखुरा व्यसायीको सङ्ख्या १५ हजार ८०० को हाराहारीमा रहेको संघले जनाएको छ ।