उर्जामन्त्रीद्धारा पश्चिम सेती अगाडि बढाउन चिनियाँ कम्पनी थ्री गर्जेजलाई आग्रह

Posted on: January 14, 2017 | views: 285

काठमाडौं ।
ऊर्जा मन्त्री जनार्दन शर्माले पश्चिम सेती जलविद्युत् आयोजनाको निर्माण कार्य तत्काल सुरु गर्न चिनियाँ थ्री गर्जेजका पदाधिकारीलाई आग्रह गरेका छन् ।

ऊर्जा मन्त्रालयमा हिजो थ्री गर्जेजका प्रतिनिधिसँग कुराकानी गर्दै मन्त्री शर्माले लामो समयदेखि आयोजना लिएर राख्ने तर काम नभएकाले जनतामा समेत नकारात्मक सन्देश गएको भन्दै निर्माण कार्य सुरु गर्न आग्रह गरेका हुन् ।

चिनियाँ थ्री गर्जेजसँग पाँच वर्ष पहिले नै लगानी एवं निर्माणका सम्बन्धमा प्रारम्भिक समझदारी भए पनि काम अगाडि बढ्न सकेको थिएन ।