विद्युतमा गडबडी गरेर कुलमानलाई असहयोग गर्ने यिनले स्पष्टीकरण बुझेनन्

Posted on: December 06, 2016 | views: 258

२१ मंसिर, काठमाडौं ।
काठमाडौंलाई लोडसेडिङ मुक्त गराउने क्रममा चुहावट विद्युत रोक्न असहयोग गर्दै आएका नेपाल विद्युत प्राधिकरणका सञ्चालकहरुले सरकारले पठाएको स्पष्टीकरण पत्र बुझ्न अस्वीकार गरेका छन् ।

विद्युत चुहावट गरेरै विद्युतीय सामान खरिदकर्ता र अन्य पक्षसँग लाभ लिंदै आएको आम आरोप लागेका विवादास्पद प्राधिकरणका सञ्चालकहरु लक्ष्मणप्रसाद अग्रवाल, मनोजकुमार मिश्र र सुरज लामिछानेलेले स्पष्टीकरण बुझ्न अस्विकार गरेका हुन् ।

उर्जा मन्त्रालयले अवैधानिक रुपमा बैठक बसेर प्राधिकरणको सुधार अभियानलाई प्रभावित पार्न खोजेको भन्दै स्पष्टीकरण पत्र काटेको थियो ।

तर, उनीहरुले अनेक तरिकाबाट स्पष्टीकरणपत्र नबुझेको र उनीहरुका परिवारले पनि त्यसमा असहयोग गरेको उर्जा मन्त्रालयले जनाएको छ ।

अ‍ैधानिक रुपमा काम गरेका उनीहरुलाई पदबाट किन नहटाउने भनेर मन्त्रालयले स्पष्टीकरण सोधेको छ । तर विवादीत सञ्चालकहरुले पत्र बुझ्नै अटेर गरेपछि उर्जा मन्त्रालयले आज सार्वजनिक सूचना जारी गरेरै उनीहरुलाई प्रष्टीकरण पेश गर्न निर्देशन दिएको छ ।

७ दिनभित्र स्पष्टीकरण पेश नगरे मन्त्रालयले विद्युत प्राधिकरण ऐन-२०४१ अनुसार कारवाही गर्ने भएको छ ।

स्पष्टीकरण पनि चित्त बुझ्दो नभए उनीहरुलाई पदबाट हटाउने उर्जा मन्त्रालयले बताएको छ ।

विवादीत प्राकिरणका सञ्चालकहरुलाई मन्त्रालयले मंसिर १७ गते स्पष्टीकरणपत्र काटेको थियो ।