आजको सुनको भाउ ९ महिना यताकै सस्तो

Posted on: December 05, 2016 | views: 628

२० मंसिर, काठमाडौं ।
सुनको मूख्य कारोबार हुने महिनामा लगातार ओरालो लागेको सुनको मूल्य नेपाली बजारमा ९ महिना यताकै सस्तो भएको छ ।

सोमबार नेपाली बजारमा सुनको मूल्य तोलामा २ सय रुपैयाँ घटेर तोलाको ५३ हजार ८ सय रुपैयाँमा कारोबार भएको छ ।

बिवाहको सिजन मानिने मंसिर महिनामा सुनको मूल्य घट्दा खरिदकर्ताहरुलाई भने केही राहत मिलेको ठानिएको छ ।

आज चाँदीको मूल्य भने शुक्रबार रहेको ७ सय ८५ रुपैयाँमै कारोबार भइरहेको छ ।