मेलम्चीमा सुनखानी भेटियो, सेनाले सुरक्षा दिंदै

Posted on: December 02, 2016 | views: 2225

मेलम्ची, सिन्धुपाल्चोक ।
दिनहुँ जस्तै मेलम्ची खानेपानीको मुहान नजिकैको सुरुङमा एक्साभेटरले खोस्रदैं थियो । तर बिहिबार भने अचम्मै भयो ।

एक्साभेक्टर चलाइरहेका चालक र वरपरका अन्य मानिसले भुँईमा नौलो किसिमको पत्थरहरु देखे । सुनजस्तै लाग्ने धातु भेटिएपछि एकाएक हल्ला भयो र काम नै रोकियो ।

सरकारको स्थानिय प्रतिनिधि हेलम्बु गाविसका सचिव नारायण पौडेललाई के गर्ने के गर्ने भयो । उनले पनि प्रमुख जिल्ला अधिकारी अन्तर बहादुर सिलवाललाई रिर्पोटिङ गरिहाले ।

त्यसपछि सो ठाऊँमा नेपाली सेनाले घेरा हाल्यो र जुन ठाऊँमा त्यस्तो वस्तु भेटियो त्यस स्थानलाई सुरक्षा दिइयो । रातभर स्थानीय र सेनाले सो ठाऊँ कुरेरै बस्यो ।

शुक्रबार बिहानै क्षेत्रिय प्रशासक विनोद के.सी, प्रमुख जिल्ला अधिकारी सिलवाल लगायतका सरकारी अधिकारीहरु सो स्थानमा पुगेका थिए ।

सो स्थानमा भेटिएको धातुको नमुना संकलन गरि राजधानीमा खानी तथा भुगर्व विभागमा प्राविधिक चेकजाँज गर्न पठाइएको छ ।

प्रारम्भीक परिक्षणबाट भेटिएको सो वस्तु सुन नै हुन सक्ने आशंका गरिएको बताइएको छ । प्राविधिक परिक्षणपछि सो धातु सुन या अन्य के हो भन्ने प्रष्ट हुनुका साथै त्यस्तो धातुको मात्रा कति छ भन्ने पनि स्पष्ट हुनेछ ।

आगामी दशैंसम्म राजधानीबासीको तिर्खा मेट्ने गरि आयोजनाको गति बढिरहेको बेला एकाएक सुन ९रु० भेटिएपछि आयोजनाको काम प्रभावित हुने आशंका गर्न थालिएको छ ।

रेडियो मेलम्चीबाट साभार