भारतीय नोट कारोवारले बन्द अलैचिको कारोबार फेरी सुरु

Posted on: November 28, 2016 | views: 336

१३ मंसिर, ताप्लेजुङ ।
भारतले १ हजार र ५ सय दरको नोटमा प्रतिबन्ध लगाएपछि ठप्प बनेको अलैचिको कारोबार हिजो 'आइतबार' बाट सुरु भएको छ ।

प्रतिबन्धपछि भारतिय व्यापारिले प्राविधिक कारण देखाउदै अलैचि किन्न नआएपछि नेपालका व्यवसायिले सुचना निकालेरै कारोबार ठप्प पारेका थिए ।

भारतमा प्रतिबन्धित नोटको सटहि सहज बन्दै गएपछि अलैचि व्यावसायि महासंघले आज सुचना निकालेरै किनबेच सुरु गरेको हो ।

आज सबैभन्दा बढि कारोबार हुने झापाको बिर्तामोडमा प्रतिमन ५४ हजारका दरले किनबेच भएको अलैचि व्यावसायि महासंघका अध्यक्ष निर्मल भट्टराईले जानकारी दिनुभयो ।

ताप्लेजुङमा पनि ५४ हजारले नै किनबेच भएको व्यवसायि तेज भट्टाईले बताउनुभयो । कारोबार एक्कासी ठप्प हुदा कृषक चिन्तित बनेका थिए ।

अब भने बजार सहज बन्दै गएकोले बिस्तारै मुल्यमा सुधार आउदै जाने अलैचि व्यावसायि संघ ताप्लेजुङका अध्यक्ष बालमणी बरालले अपेक्षा गर्नुभयो ।