नपड्कने ग्यास सिलिन्डर आउँदै

Posted on: November 24, 2016 | views: 1052

९ कार्तिक, काठमाडौं ।
खाना पकाउने ग्याँस सिलिण्डर पुरानो र कमसल हुँदा बम सिलिण्डर बन्ने गर्दा डरमा रहेका नेपालीहरुलाई केही भनेपनि राहत मिल्ने भएको छ ।

तर, अब केही समयपछि भने नपड्कने खालका ग्याँस सिलिण्डर आउने भएको छ ।

नेपाल आयल निगमले फलामबाट बनेको परम्परागत सिलिन्डरको सट्टा आधुनिक प्रविधिको ‘कम्पोजिट’ सिलिन्डर प्रयोगमा ल्याउने तयारी गरेको छ ।

यसलाई तत्काल अनिवार्य नगरेपनि प्रयोगमा प्रोत्साहन गर्दै लैजाने नीति निगमले बनाउने भएको छ ।

यसका लागि सबै ग्यास उद्योगले ५ प्रतिशत ‘कम्पोजिट’ सिलिन्डर राख्नु पर्ने बाध्यकारी व्यवस्था गर्न लागिएको नेपाल आयल निगमका प्रवन्ध निर्देशक गोपालबहादुर खड्काले बताएका छन् ।

‘कम्पोजिट सिलिन्डर महंगो पर्ने हुनाले यसलाई विस्तारै विस्तापित गर्ने योजना बनाएको निगमले बताएको छ ।

अहिले ५३ वटा कम्पनीले खाना पकाउने ग्यासको कारोबार गर्दै आएका र नेपालमा करिव ८० लाख फलामे सिलिन्डर रहेको ठानिएको छ ।

पहिलो चरणमा करिव ३ देखि ४ लाख कम्पोजिट सिलिन्डर बजारमा आउने बताइएको छ ।

कम्पोजिट सिलिन्डर फाइबरबाट बनेको हुन्छछ भने आगो लागे पनि हत्तपत्ति नपड्किने नै यसको प्रमुख विषेषता हो । यसैकारण यो सिलिन्डर निकै सुरक्षित मानिन्छ ।

यो सिलिन्डर परम्परागतभन्दा निकै हलुका हुन्छ । १४ केजी ग्यास भरिसकेपछि यसको तौल २२ केजी मात्रै हुन्छ ।

सिलिण्डर किनेर ल्याएर उपभोक्तालाई बेचेर पैसा लिने ग्याँस कम्पनीहरुले भने सिलिण्डर किन्दा भन्सार छुट चाहिने माग गर्न थालेका छन् ।

निगमले समेत ग्याँस कम्पनीहरुसँगको मिलेमतोमो त्यसको प्रयोगलाई प्रोत्साहन गर्न भन्दै सरकारसँग भन्सार छुटको माग गर्दै यसको लागि पहल गरेको छ ।