सेयर बजार २३ अंकले घट्यो

Posted on: November 05, 2016 | views: 271

२० कार्तिक, काठमाडौं ।
केही सातादेखि निरन्तर ओरालो लागेको नेपाली शेयर बजारको परिसूचक नेप्से यो साता २२.६८ अकंले घटेर साताको अन्तिम दिन एक हजार ७५९.७१ अकंमा पुगेको  छ ।

शेयर बजारको कारोवार रकम भने गत साताको भन्दा ३७.०५ प्रतिशत बढेको छ ।

यो साता नेपाल स्टक एक्सचेन्जमा १५१ कम्पनीहरुको कारोवार भएको छ जस अनुसार २३ हजार ६२६ कारोबारहरुबाट चार अर्ब १२ करोड ४० लाख १३ हजार बराबरका ४९ लाख ३३ हजार ५७० कित्ता सेयर किनबेच भएका छन् ।

यो साता समूहगत परिसूचक तर्फ वित्त समूह बाहेकका सबै समूहको कारोवार घटेको छ ।

यो साता कारोबार रकम कारोवार भएको शेयर संख्या र कारोवार संख्या तीनै आधारमा माछापुछ्रे बैंक लिमिटेड अग्रस्थानमा रहेको छ ।

 त्यसैगरी यो साता कारोवार रकम, कारोबार भएको सेयर संख्या र कारोबार सङ्ख्याको आधारमा पनि माछापुछ्रे बैंक लिमिटेड अग्रस्थानमा रहेको छ ।