जापानद्धारा चितवनको लागि दुई करोड ४५ लाख सहयोग

Posted on: November 04, 2016 | views: 286

१९ कार्तिक, काठमाडौं ।
जापान सरकारले चितवन जिल्लामा विपद् जोखिम न्यूनीकरण परियोजना कार्यान्वयन गर्न दुई करोड ४५ लाख रुपियाँ अनुदान सहयोग उपलब्ध गराउने भएको छ ।

चितवनको मादी नगरपालिका र लोथर गाविसमा बाढी नियन्त्रणका लागि जापानले सहयोग उपलब्ध गराउन लागेको हो ।

काडमाडौंस्थित जापानी राजदूतावासमा शुक्रबार आयोजित कार्यक्रममा नेपालका लागि जापानका राजदूत मासासी ओगावा तथा जापानी गैरसरकारी संस्था सप्ला सिटिजन्स कमिटिका देशीय निर्देशक तोयाकी कोमातिसुले अनुदान सहयोगसम्बन्धी सम्झौतामा हस्ताक्षर गर्नुभयो ।