तमोर जलाशययुक्त जलविद्युत परियोजनाबाट करिब डेढ सय घर विस्थापित हुने

Posted on: November 01, 2016 | views: 285

१६ कार्तिक, पाँचथर ।
पाँचथर जिल्लामा सात सय ६२ मेगावाट क्षमताको प्रस्तावित तमोर जलाशययुक्त जलविद्युत परियोजनाका कारण नदी किनारका करिब डेढ सय घर परिवार विस्थापित हुने प्रारम्भिक अनुमान गरिएको छ ।  

पिनासीघाट, माझीटार, नक्कलेघाट, लुबुघाट क्षेत्रमा बसोबास गर्दै आएका माझी समुदाय र केही तामाङ समुदायका घर परिवार प्रभावित हुने देखिएको छ । परियोजनाको लागि नदीमा बाँध निर्माण गरिएपछि ती बस्तीहरू डुबानमा पर्नेछन् ।

यससँगै तल्लो हेवा जलविद्युत् परियोजना र माथिल्लो हेवा जलविद्युत परियोजनाको विद्युत्गह तथा कावेली ए जलविद्युत परियोजना पनि डुबानमा पर्ने देखिएको     तमोर जलशाययुक्त जलविद्युत परियोजना सरोकार समितिका संयोजक तथा पूर्व सांसद वसन्तकुमार नेम्बाङले जानकारी दिनुभयो ।

बाँध निर्माण गरेर पानीको सतह ताप्लेजुङ र पाँचथर सीमा क्षेत्र हुँदै बग्‍ने काबेली नदीसम्म पु¥याइनेछ ।

परियोजनाबाट प्रभावित हुनसक्ने घर परिवार, भौतिक संरचना र जलविद्युत् परियोजनाबारे विस्तृत विवरण सर्भेक्षणपछि मात्रै आउने नेम्बाङले बताउनुभयो ।