बागलुङमा यस बर्ष धान उत्पादन बढ्ने

Posted on: October 28, 2016 | views: 242

१२ कार्तिक, बागलुङ ।
बागलुङ जिल्लामा यस बर्ष धान उत्पादन १० प्रतिशत बढ्ने भएको छ । जिल्ला कृषि बिकास कार्यालय बागलुङ्गले दिएको जानकारी अनुसार यस वर्ष निरन्तर बर्षा भएको,अनुकुल मौसम र जैविक मलको प्रयोग गरिएकाले उत्पादन बढ्ने देखिएको हो ।

जिल्लामा ५ हजार ८ सय ६२ हेक्टर जमिनमा धान खेती गरिने कृषि कार्यालयले जनाएको छ ।

गतबर्ष १८ हजार ८ सय ६९ मेट्रिकटन उत्पादन भएको थियो ,भने यस बर्ष उत्पादन १० प्रतिशतले बढेर २० हजार ७ सय ५० मेट्रिकटन हुने अनुमान गरिएको जिल्ला कृषि विकाश कार्यालयका प्रचार अधिकृत  विप्लव अधिकारी बताए ।

पोहोर धेरै ठाउँमा खडेरी पर्नाले उत्पादनमा ह्रास आएको थियो,यो बर्ष समयमै बर्षा हुदाँ उत्पादन बढ्ने देखिएको छ, अधिकारीले भने,यो बर्ष मलखाद पर्याप्त आपूर्ति भएकोले पनि राम्रै उत्पादन हुने अनुमान छ ।

जिल्लामा पछिल्लो समय सुधारीएको जेठो बुढो,खुमल–४,राधा–७,लुम्ले–२ लगायतका स्थानीय जातका धानको बीउको प्रयोग तर्फ कृषक आकर्षित भएका छन ।

जिल्ला कृषि विकाश कार्यालयका अनुसार उन्नत बीउको प्रयोग,मलखाद पर्याप्त आपूर्ति,कीटनाशक औषधीको प्रयोगजस्ता कारणले उत्पादन बढ्ने जनाएको छ ।

जिल्लाको कुश्मीसेरा, अर्जेवा, नारायणस्थान, जैदी, हरिचौर, हटिया, खर्वाङ, नरेठाँटी र बागलुङ नगरपालिका धान खेतीका लागि पकेट क्षेत्र मानिएका छन ।