सप्तरी विद्युत प्राधिकरणले तीन महिनामा जरिवाना मात्र १९ लाख उठायो

Posted on: October 24, 2016 | views: 240

८ कार्तिक, सप्तरी
नेपाल विद्युत प्राधिकरण शाखा कार्यालय राजविराजले तीन महिना भित्रमा १८ लाख ९० हजार ४ सय ११ रुपैया ३० पैसा जरिवाना असुल गरेको छ ।

प्रधिकरणका प्रमूख  रामउदगार साहका अनुसार  प्रहरी र प्राधिकरणको संयुक्त चुहावत नियन्त्रणका क्रममा १ सय २३ जना बिद्युत चोरी तथा हुकिङ्ग प्रयोगकताहरु लाई प्रक्राउ गरेको थियो भने १ सय १६ जनाको समान बरामद गरको थियो । १ सय ४८ जनालाई कारवाही गरि जरिवना वापत सो रकम असुल गरेको हो ।

१ सय १६ जनाको मोटर,टि.भी.,फ्यान लगायतको प्रति समान न्युनत्तम वापत रु.३ हजारका दरले ७ लाख २९ हजार ३ सय ५० रुपैया ८८ पैसा, मिटर छडकेमा ५७ जनाको कारवाही वापत रु.११ लाख ६१ हजार ६० रुपैया ४० पैसा जरिवानाबाट असुल गरेको छ ।

हुकिङ्ग नियन्त्रण भएको मध्ये ३ हजार २ सय घरधुरीलाई हुकीङ्ग हटाइएको प्रमुख साहले जानकारी दिनु भयो  ।

सप्तरी जिल्लामा हाल सम्म घरेलु मीटर ४७ हजार ५ सय,उद्यमी ११ सय,सिंचाई तथा अन्य ४हजार ४सय गरी ५३ हजार मीटरको ग्राहक रहेको उहाले बताउनु भयो  ।