दुई हप्तापछि साझाका तीस बस सञ्चालन हुने

Posted on: October 20, 2016 | views: 333

४ कार्तिक, काठमाडौं ।
काठमाडौँ उपत्यकामा साझा यातायातले दुई हप्तापछि थप तीस बस सञ्चालनमा ल्याउने भएको छ ।

काठमाडौँ महानगरपालिकाको रु १० करोड लगानीमा साझा यातायातले तीसवटा बस भारतबाट असोजको पहिलो साता नै ल्याइसकेको भए पनि प्राविधिक चेक, बस सञ्चालन गर्ने ‘रुट परमिट’, कर्मचारीको व्यवस्थापन लगायतको काम भइरहेकाले दुई सातापछि बस सञ्चालन हुने साझा यातायातका कायममुकायम प्रमुख कार्यकारी निर्देशक महेन्द्रराज पाण्डेले जानकारी दिनुभयो ।