यान्त्रिक पुलको १ करोड २ लाख रुपैया मुनाफा बितरण

Posted on: October 13, 2016 | views: 537

२७ असोज, पर्वत ।
पर्वतको कुश्मा देखि बागलुङ्गको बलेवा जोड्ने कुस्मा– बलेवा यान्त्रिक पुलले २० प्रतिशत मुनाफा सेयर धनीलाई बितरण गरेको छ । कुस्मा बलेवा यान्त्रिक पुल लिमिटेडले आर्थिक बर्ष ०७२÷०७३ मा १ करोड २ लाख रुपैया मुनाफा बितरण गरेकोे हो ।

लिमिटेडको पाँचौ साधारणसभाले यस वर्ष २० प्रतिशत मुनाफा वितरण गर्न स्विकृती दिएको थियो ।

साधारणसभाले स्विकृती दिएपछि १ करोड २ लाख मुनाफा बितरण गरिएको लिमिटेडका अध्यक्ष होमनारायण श्रेष्ठले जानकारी दिनुभयो ।

यान्त्रिकपुलमा मुलुकका प्रतिष्ठीत ब्याबसायी देखि कुस्मा र बलेवा क्षेत्रका ५ सय सर्वसारधणले लगानी गरेका छन । गत बर्ष १९ प्रतिशत मुनाफा बितरण गरेको थियो ।

यान्त्रिक पुल निर्माण सँगै छिमेकी जिल्ला बागलुङको बलेवा क्षेत्रका १६ गाविसका बासिन्दाहरुसँग कुश्माबजारको व्यावसायिक सम्बन्ध गाँसिनुका साथै सदरमुकाम कुश्माबजारको व्यापारीक र पर्यटन विकासमा समेत महत्वपुर्ण भूमिका रहेको छ ।
पुलबाट दैनिकजसो ५ सय सर्वसाधरणले ओहोरदोहोर गर्दै आएका छन् ।

पुल निर्माणबाट बृद्ध, सुत्केरी, अपांगता भएका ब्यक्तिहरुले सबैभन्दा बढी फाइदा लिएको सचिब केदानरनाथ शर्माले जानकारी दिनुभयो ।

पुलमा यात्रा गर्नेहरुका लागि बलेवा क्षेत्रमा स्थायी घर हुनेलाई प्रतियात्रु ७५ रुपैया र अन्यत्रकालाई १ सय रुपैया भाडादर तोकिएको छ ।

उक्त पुल संचालन भएसँगै विगत दुईदशकदेखि बन्द रहेको बलेया एयरपोर्ट समेत सञ्चालनका लागि तयारी भैरहेको छ ।