जनतामा बीमाको पहुँच बढाईंदै

Posted on: October 10, 2016 | views: 275

२३ असोज, काठमाडौं ।
बीमासेवालाई सवै जनताको पहुचमा पुर्याउने उद्देश्यले बीमा समितिको पहलमा नेपाल बीमक संघ र लघुवीत्त संघ बीच भएको संझौता आगामी कार्तिक महिनादेखि कार्यान्वयनमा आउने भएको छ ।

संझौता कार्यान्वयनमा आएपछि बीमा कम्पनीहरुले आवश्यकता अनुसारको बीमा लेख डिजाइन गर्न सक्ने र ती बीमा लेखलाई समितिले स्वीकृत गरेपछि लघुवीत्त संस्था मार्फत अनिहरुका ग्राहक समक्ष पु¥याउन सक्ने छन ।

देशव्यापि सञ्जाल भएको लघुवीत्त संस्था र बीमक संघ बीच भएको संझौताले न्यून आय भएका र पिछडीएका क्षेत्रका जनता बढि लाभान्वित हुने बीमा समितिका अध्यक्ष डा. फत्तबहादुर केसीले जनाकारी दिनुभयो ।

हालसम्म मुलुकको कुल जनसंख्याको करिव १० प्रतिशत जनसंख्या बीमाको दायरभित्र रहेकोमा यी दुई संस्थाबीच भएको संझौताले बीमाको दायर थप विस्तार हुने समितिले जनाएको छ ।