बेइमाल व्यवसायी । दशैंको टिकट बुकिङ आजबाट फेरी खुल्यो

Posted on: October 03, 2016 | views: 246

१७ असोज, काठमाडौं ।
बसमा चाहे अनुसार यात्रु कोच्न पाउनुपर्ने, पुरानो बस चलाउन पाउनुपर्ने, प्रहरीले कुनै कारवाही गर्न नपाउने जस्तो खराब मनसायका माग राखेर महान चाड दशैंको टिकट बुकिङ रोकेका व्यवासयीहरुले आजबाट फेरी दशैंमा थप बस चलाउने भन्दै बुकिङ सुरु गरेका छन् ।

नागरिक स्तरबाट चर्को बिरोध तथा सरकारले समेत उनिहरुका मागको वेवास्ता गरेपछि यातायात व्यवसायी दशैंमा थप बस चलाउन तयार भएका हुन् ।

आइतबार भौतिक पूर्वाधार तथा यातायात व्यवस्था मन्त्रालयका भएको बैठकमा आजदेखि बुकिङ खुलाउन र घर जान चाहने सबै यात्रुलाई गन्तब्यमा र्पुयाउन व्यवसायीहरु सहमत भएका थिए ।

यातायात व्यवसायीहरुले दशैंतिहारमा उपत्यकाबाट जान यात्रुहरुलाई सवारीको कुनै कमी हुन नदिने प्रतिबद्धता सरकारसामू व्यक्त गरेका छन् ।

आजबाट थप टिकट बुकिङ खुलेसँगै सरकारले स्कुलका तथा सुरक्षा निकायको बस चलाउने तयारी तत्कालको लागि स्थगित भएको छ ।

गत ७ असोजमा टिकट खुलेकोमा तीन दिनमै टिकट सकिएको भन्दै व्यवसायीले थप बस चलाउन अटेर गर्दै दशैंको लागि थपिने थप बस चलाउँदाको एक तर्फी भाडा सरकारले तिनुपर्ने माग गर्दै आएका थिए ।
उनिहरुले काठमाडौंबाट फर्कने यात्रु मात्र पाउने भन्दै पुन काठमाडौं आउँदा यात्रु नपाउने भएकाले एकतर्फी भाडा सरकारले तिनुपर्ने र अर्को तर्फबाट अटेजति बसमा यात्रु राख्न पाउनुपर्ने नाजायज माग राखेका थिए ।