कैलालीमा पाच छोटी भन्सार अझै पुर्नस्थापना भएन

Posted on: September 24, 2016 | views: 226

८ असोज, धनगडी ।
कैलालीमा द्धन्दकालमा बिस्थापित पाच छोटी भन्सार कार्यालय अझै पुर्नस्थापना नहुदा चोरी पैठारी बढेको छ ।

द्धन्दकालमा बिस्थापित ७ छोटी भन्सार कार्यालय मध्ये हाल सत्ती र पृथ्वीपुर छोटी भन्सार कार्यालय संचालनमा रहेपनि बर्धावा, सोनाहाफाटा, भडरी, कनरी, घुइयाफाटा गरी पाच छोटी भन्सारको पुर्नस्थापना अझै हुन सकेको छैन ।

कैलालीका प्रमुख भन्सार अधिकृत हरिप्रसाद पाण्डेले तत्काल प्रयाप्त जनशक्ति र स्रोत साधन परिचालन गर्न सकिने अवस्था नरहेकाले ती छोटी भन्सार कार्यालयको पुर्नस्थापना हुन नसकेको बताउनुभयो ।

उहाले एक दुइ जना कर्मचारी खटाएर छोटी भन्सार पुर्नस्थापना गर्दा  चोरी पैठारीमा थप टेवा पुग्ने र सिमा सुरक्षा खतरा समेत बढ्न सक्ने भएकाले कार्यालयमा प्रयाप्त जनशक्ति र स्रोत साधन उपलब्ध नभएसम्म छोटी भन्सार कार्यालयको पुर्नस्थापना हुन नसक्ने बताउनुभयो ।

लामो समय सम्म छोटी भन्सार पुर्नस्थापना नहुदा खुला सिमानाको फाइदा उठाउदै तस्करहरुले सिमावर्ती भारतीय बजारबाट दैनिक ठुलो परिमाणमा ब्यापारीक प्रयोजनका सामाग्री कैलाली भित्र्याउने गरेको स्थानीयले बताएका छन् । त्यसरी भन्सार छलेर दैनिक ठुलो परिमाणमा भारतबाट बिभिन्न सामाग्री आयत हुदा त्यसको असर राजस्व संकलनमा परेको बताइएको छ ।