1. मुख्य पृष्ठ
2. अर्थ

गाडी चल्न थालेको तीस बर्षपछि अस्थायी रुट परमिट

Posted on: September 12, 2016 | views: 438

---

२७ भदौ, धनगढी ।
कैलालीमा बिगत तिन दशक देखि सार्वजनिक सवारीका साधन चल्ने गरेका एक दर्जन सडकमा अहिले आएर अस्थायी रुट परमिट दिइएको छ ।

जिल्ला यातायात ब्यवस्थापन समितिको निर्णय पछि यातायात ब्यवस्था कार्यालय धनगढीले एक दर्जन सडकमा अस्थायी रुट परमिट दिएको हो ।

त्यसरी अस्थायी रुट परमिट दिएका सडकहरुमा बौनिया जोशीपुर, धनगढी हसुलिया, राजीपुर बालुवागडा, बैडपुर पवेरा, सहजपुर ठुलीगाड, सुखड भजनी लगायत रहेका छन् ।

कार्यालयका निमित्त प्रमुख केशवदत्त जोशीले रुट परमिट बिना सार्वजनिक सवारीका साधन चल्ने गरेको पाइएपछि ती सडकमा हालै मात्र अस्थायी रुट परमिट दिइएको बताउनुभयो ।

ती सडक दैनिक दर्जनौ सार्वजनिक सवारी साधन संचालन हुदै आएका छन् ।

---