म्यानपावरको शाखा अब जिल्लामा पनि

Posted on: September 06, 2016 | views: 269

२१ भदौ, काठमाडौं ।
म्यानपावर व्यवसायीकै दवामा सरकारले म्यानपावर व्यवसायलाई व्यवस्थित बनाउन भन्दै जिल्लामा पनि शाखा कार्यालय रहन सक्ने व्यवस्था गर्ने भएको छ ।

सरकारले म्यानपावर एजेन्सीहरुले शाखा कार्यालय खोल्न अनुमति नपाउने हालको व्यवस्था तोड्दै नयाँ व्यवस्था गर्न लागेको हो ।

एजेन्ट अर्थात म्यानपावर दलालको अवाञ्छित सक्रियताका कारण वैदेशिक रोजगारीलाई ‘ठगीको धन्दा’ बनेको भन्दै सरकारले म्यानपावरहरुलाई शाखा विस्तारका लागि अनुमति दिने तयारी गरेको हो ।

वैदेशिक रोजगार ऐनमा पनि म्यानपावर कम्पनीहरुलाई शाखा कार्यालय खोल्न दिन सकिने उल्लेख भएपनि सरकारले ठगी बढ्नुका साथै अनुगमन र नियमनमा समस्या हुन सक्ने भन्दै शाखा खोल्न रोकेको थियो ।

तर अब केही समयभित्रै म्यानपावरहरुलाई शाखा विस्तार गर्न इजाजत दिने प्रक्रिया सुरु हुने वैदेशिक रोजगार विभागले जनाएको छ ।

एजेन्टका कारण वैदेशिक रोजगारीका जाने कामदार ठगिने क्रम झनै बढेकाले म्यानपावरको शाखा विस्तारलाई खुला गर्नु पर्ने तर्क अघि सारिएको हो ।

म्यानपावरलाई शाखा खोल्ने अनुमति दिनुअघि श्रम तथा रोजगार मन्त्रालयले यससम्बन्धी छुट्टै कार्यविधि जारी गर्ने भएको छ । अहिले मस्यौदा भइरहेको कार्यविधिलाई छिट्टै अन्तिम रुप दिएर मन्त्रीस्तरीय निर्णयबाट पारित गरिन लागिएको छ ।

‘मस्यौदामा कतिवटासम्म शाखा खोल्न दिने, के९के शाखा खोल्न पुरा गर्नुपर्ने, शाखाको सञ्चालन कसरी गर्ने, के९के नियम पालनना गर्ने रु लगायतका विषयहरु समेटिने बताइएको छ ।