दशैंमा असोज १६ गतेदेखि एकजनाले ३७ हजार नयाँ नोट साट्न पाउने
Posted on: September 05, 2016 | views: 203
२० भदौ, काठमाडौं ।
नेपाल राष्ट्र बैंकले यो दशैं तिहारको लागि असोज १६ गतेबाट नयाँ नोट सटही थाल्ने भएको छ ।
राष्ट्र बैंकका अनुसार यो दशैंरतिहारमा एक व्यक्तिले ३७ हजार रुपैयाँसम्म नयाँ नोट साट्न पाउने छन् ।
नेपाल राष्ट्र बैंकले सर्वसाधारणका लागि प्रतिव्यक्ति ३७ हजार रुपैयाँसम्म असोज १६ गतेदेखि २१ गतेसम्म काठमाडौं उपत्यकामा भए थापाथलीस्थित राष्ट्र बैंकको कार्यालय र उपत्यका बाहिरका राष्ट्र बैंकका पाँच वटै कार्यालयहरुमा सर्वसाधारणले नयाँ नोट साट्न पाउने जानकारी गराएको छ ।
हरेक बर्ष दशैं तिहारको समय पारेर नयाँ नोट सटही गर्दै आएको बैंकले गत वर्ष एक व्यक्तिले २२ हजार रुपैयाँ मात्रै नयाँ नोट साट्न पाउने व्यवस्था गरेको थियो ।
यसपटक एक व्यक्तिले ५, १०, २०, ५० र १०० का दुईरदुई प्याकेट नयाँ नोट साट्न पाउने राष्ट्र बैंकका सहायक प्रवक्ता राजेन्द्र पण्डितले जानकारी दिएका छन् ।
पूर्वकर्मचारीहरुलाई भने राष्ट्र बैंकले ५९ हजार रुपैयाँ बराबरका नयाँ नोट सहटी सुविधा उपलब्ध गराउने जनाएको छ ।
पण्डितकाअनुसार ५, १०, २०, ५० र १०० रुपैयाँका एकरएक बण्डल उपलब्ध गराइनेछ । गत वर्ष भने भूतपूर्व कर्मचारीलाई ५५ हजार रुपैयाँ मात्रै उपलब्ध गराइएको थियो ।
बैंक तथा वित्तीय संस्थाहरुले भने राष्ट्र बैंकबाट असोज ९ गतेदेखि असोज १४ गतेसम्म नयाँ नोट साट्न पाउनेछन् । दशैंका लागि आवश्यक पर्ने पर्याप्त नयाँ नोटको व्यवस्था गरिएको सहायक प्रवक्त पण्डितले जानकारी दिए ।
नेपालीहरुको महान चाड दशैं तिहारमा टिका टालोका लागि नयाँ नोट प्रयोग गर्ने प्रचलन अनुसार यो समयमा अत्यधिक माग हुने भएकाले राष्ट्र बैंकले दशैं तिहारको अघि पारेर नयाँ नोट सटही व्यवस्था मिलाउँदै आएको छ ।
ताजा अपडेट
-
राउतवेशीमा पक्कि पुल बनाउन सुरु, तीन महिनामा सम्पन्न गर्ने लक्ष्य
-
कविलासको नवसञ्जिवनी माविको ३५ औ बार्षिक उत्सव सम्पन्न (फोटो फिचर )
-
तारुका बहुमुखी क्याम्पसको प्रथम सभा सम्पन
-
शिक्षकको काम ‘राजनीतिक झोला’ बोक्ने होइन, ‘राजनीतिक सञ्चार’ गर्ने हो : सांसद हितबहादुर तामाङ
-
अबैध डलर बोकेर केरुङ जान लागेका दुई जना समातिए
-
मेलमिलापलाई प्रभावकारी बनाउन सके दिगो शान्ति स्थापना हुने