जाजरकोटमा डडुवाले टमाटर खेती नष्ट, किसान मर्कामा

Posted on: August 30, 2016 | views: 323

१४ साउन, जाजरकोट ।
भेरीमालिका नगरपालिका ६, भेरेंमा डडुवा रोगले टमाटर खेती नष्ट भएको छ । टमाटर खेती नष्ट भएपछि तरकारी खेतीको पकेट क्षेत्र भेरेंका किसान मर्कामा परेका छन् ।

व्यवशायीक तरकारी खेती गर्दै आएका कृषक टमाटर खेतीको सिजनमा उत्पादन शुन्य भएपछि निरास बनेका छन् । डडुवा रोगले टमाटरको विरुवाको डा“ठ कुहिने, पात झर्ने, दाना कालो हुने र कुहिने लगाएत लक्षणका कारण उत्पादन शुन्य भएको हो । अन्य खेतको तुलनामा भेरेंका कृषक टमाटर खेतीबाट मनग्य आम्दानी गर्दै आएका थिए । टमाटर खेतीमा गरेको लगानी खेर गएको हरीकला पुनले बताउनु भयो ।

यहाका ४० घरपरिवारले ५० हजार सम्म टमाटर खेतीमा लगानी गरेका थिए । भेरेंका कृषकले २ सय ५० रोपनी खेतबारीमा लगाएको टमाटर खेती नष्ट भएको छ । मकै खेती नलगाएर टमाटर खेती गरेको कृषक पदम बहादुर पुनले बताउनु भयो ।

टमाटर खेतीबाट प्रति घरपरिवारले एक सिजनमा ५० हजार देखि २ लाखसम्ममा आम्दानी गर्दै आएको छन । यस पटक भने उत्पादन शुन्य भएको छ । बरिष्ठ कृषि विकास अधिकृत चित्र बहादुर रोकायले डडुवा रोगबाट टमाटरमा क्षेती गरेको र त्यस ठाउमा कृषि प्राविधिकको टोली पठाउने बताउनु भयो ।