यस्तो पनि छिमेकी । चीनसँग सम्झौता गरेको भन्दै भारतले इन्धन कटौती गर्यो

Posted on: May 02, 2016 | views: 327

१८ फागुन, काठमाडौं ।
पाँच महिना लामो नाकाबन्दी केही सहज भए पनि भारतले अझै मागको ७० प्रतिशत भन्दा बढी इन्धन नदिंदा अभाव हटेको छैन ।
 
इन्डियन आयल कर्पोरेशन 'आइओसी'सँग इन्धनको मात्रा बढाउन पटक(पटक आग्रह गरिए पनि नेपालले मागेजति तेल पाएको छैन।
 
निगमका अधिकारी चीनसँग पेट्रोलियम खरिदका लागि भएको समझदारीका कारण भारते पर्याप्त इन्धन नदिएको बताउँछन्। सरकारले कात्तिकमा कुल इन्धन आयातको एक तिहाई परिमाण चीनबाट ल्याउने सभझदारी पत्रमा हस्ताक्षर गरेको थियो।
 
‘पेट्रोलियम पदार्थ बढाउन दिनहुँजसो टेलिफोन र इमेलमार्फत आईओसीलाई आग्रह गरेपनि माथिको आदेश नभएको भन्दै परिमाण बढाउन मानिरहेको छैन,’आयल निगमका प्रवक्ता मुकुन्दप्रसाद घिमिरे भन्छन्-'छलफलका क्रममा किन पर्याप्त इन्धन नदिने त ! भनेर सोध्दा उहाँहरु स्पष्ट कुरा गर्नुहुन्न तर कुरा गराइबाट चीबाट इन्धन ल्याउने समझदारीका कारण पर्याप्त इन्धन नदिएको सजिलै बुझ्न सकिन्छ ।' कारोबार दैनिकमा समाचार प्रकाशित छ ।