थामखर्क विमानस्थलमा उडान स्थगित

Posted on: July 03, 2016 | views: 276

२० असार, खोटाङ ।
खोटाङको दक्षिणी क्षेत्रमा पर्ने थामखर्क विमानस्थलमा उडान लगातारको वर्षासँगै मौसममा खराबी आएपछि आउँदो असोजसम्मका लागि उडान स्थगित गरिएको हो ।

केही दिनदेखि लगातार वर्षा भएपछि नागरिक उड्डयन मन्त्रालयले पत्र पठाएर उडान स्थगन गर्न निर्देशन दिएको विमानस्थलका स्टेसन इन्चार्ज नरेन्द्र उदासले जानकारी दिनुभयो ।

नेपाल एयरलायन्सको विमानले साताको मङ्गलबार र शनिबार थामखर्क–काठमाडाँै तथा शनिबार एक दिन थामखर्क–विराटनगरका लागि उडान भर्दै आएको थियो ।

उडान स्थगित भएपछि दक्षिणी क्षेत्रका २० गाविससहित छिमेकी जिल्ला भोजपुरका सर्वसाधारणसमेत मर्कामा परेका छन् । यातायातको सुविधा नपुगेको त्यस क्षेत्रमा विमानस्थलसमेत अवरुद्ध भएपछि सर्वसाधारण मर्कामा परेका हुन् ।