सोलुखुम्बु जिल्ला शिक्षा कार्यालयको कार्यसम्पादनमा समस्या

Posted on: June 30, 2016 | views: 201

१६ असार, सोलुखुम्बु ।

जिल्ला शिक्षा कार्यालय सोलुखुम्बुको कार्यसम्पादनमा समस्या भएको छ । दरबन्दि अनुसारको कर्मचारी नहुदा कार्यसम्पादनमा समस्या भएको हो ।

कार्यालयमा एक जना लेखा अधिकृत र लेखापालको दरबन्दी भए पनि गत भदौ देखी दुबै पद रिक्त रहेको जिल्ला शिक्षा अधिकारी वीरबहादुर खड्काले जानकारी दिनुभयो। वहाँका अनुसार लेखाको काम अनुभवका आधारमा प्रशासन फाटका खरिदारले गरिरहनुभएको छ ।

पहिलो चौमासिक निकासा पश्चात सरुवा गरिएको लेखा अधिकृतको सट्टा पटक पटक विभागमा माग गरिएको भएपनि बेवास्ता गरेको कार्यालयको आरोप छ ।