एक लाख ८० हजार भुकम्प पीडितसँग अनुदान सम्झौता

Posted on: June 29, 2016 | views: 273

१५ असार, काठमाडौं ।
सरकारले पुनर्निर्माणका लागि १ लाख ८० हजार ४ सय १३ घरधनीसँग अनुदान सम्झौता गरेको छ ।

भुकम्पबाट क्षति पुगेका घर पुननिर्माणका लागि अनुदान सम्झौता गर्ने क्रममा हिजोसम्म गोरखामा ४० हजार ८ सय ५७, सिन्धुपाल्चोकमा २८ हजार ९ सय ६४ घरधनीसँग अनुदान सम्झौता भएको छ ।

संघिय मामिला तथा स्थानिय विकास मन्त्रालयका अनुसार रामेछापमा ४० हजार ५ सय ५३, दोलखामा २० हजार ५ सय ५७, ओखलढुंगामा १७ हजार २, धादिङमा १२ हजार ६ सय ३९, र काभ्रेमा ८ हजार ९ सय ९१ घरधनीसँग अनुदान सम्झौता भएको छ ।

त्यस्तै नुवाकोटमा ७ हजार ७ सय ५३, रसुवामा २ हजार ७७, सिन्धुलीमा ११ सय र मकवानपुरमा ५ सय २० घरधनीसँग अनुदान सम्झौता भएको बताईएको छ ।