बैंक तथा वित्तीय संस्थामा लगानीकर्ता ओइरिएपछि

Posted on: June 27, 2016 | views: 305

१३ असार, काठमाडौं ।
बैंक तथा वित्तीय संस्थाप्रति लगानीकर्ता ओइरिएपछि सोमबार नेप्से परिसूचक ३६ अङ्कले बढेको छ ।

नेपाल स्टक एक्सचेन्जका अनुसार सोमबार नेप्से परिसूचक ३६ अङ्कले बढेर एक हजार ६९३ बिन्दुबाट एक हजार ७२१ बिन्दुमा पुगेको छ ।

सेन्चुरी बैंक जेविल्स फाइनान्स, एक्सेल डेभलपमेन्ट बैंक, सिटिजन बैंक, लुम्बिनी बैंकको सेयर सोमबार बढेको नेप्सेका सहप्रवक्ता मुराहरि पराजुलीले जानकारी दिनुभयो ।

युनाइटेड फाइनान्स सनराइज बैंक गण्डकी विकास बैंक र सानिमा बैंक, राष्ट्रिय बिमा संस्थानमा लगानी गर्नेले सोमबार सबैभन्दा बढी कमाएका छन् ।  

सोमबार कुल कारोबार रु एक अर्ब ७३ करोडको भएको छ भने ४९ लाख २५ हजार कित्ता सेयर किनबेच भएको छ । बिमा समूहको सेयर सामान्य रूपमा घटेको नेपाल स्टक एक्सचेन्जले जनाएको छ ।