अप्परमाई राष्ट्रिय प्रसारणमा जोडियो

Posted on: June 18, 2016 | views: 326

४ असार, इलाम ।
इलाममा पञ्चकन्या माइभ्याली हाइड्रोपावर कम्पनीले सञ्चालन गरेको ८ दशमलव ९८ मेगावाट क्षमताको अप्परमाई जलविद्युत् आयोजनाको उत्पादन राष्ट्रिय विद्युत् प्रसारण लाइनमा जोडिएको छ ।

दुई महिनाको आन्तरिक परीक्षणपछि कावेली कोरिडोरको गोदकस्थित सवस्टेसनमा अप्परमाईको विद्युत् प्रवाह भएको हो ।

अप्परमाईको उत्पादन सुरू भएसगै जिल्लाको कुल विद्युत् उत्पादन क्षमता ५२ मेगावाट पुगेको छ । प्रसारण लाइनमा जोडिए पनि १५ दिनसम्म परीक्षणको रूपमा आयोजनाले विद्युत् प्रवाह गर्नेछ ।

इलाम जिल्लामा पुवाखोला, माइखोला, सानिमा र माथिल्लो पुवाखोला विद्युत् आयोजना सञ्चालनमा छन् ।