नम्वर नभएको हजार रुपैयाँको नोट भेटियो

Posted on: June 06, 2016 | views: 533

२४ जेठ, काठमाडौं ।
पछिल्लो समय नेपाली रुपैयाँको समेत नक्कली कारोबार भएको आशंका बढिरहेका बेला नम्वर बिनाको नोट फेला परेको छ ।

नम्बर नभएको एक हजारको नोट पत्रकार दिपक धितालले सामाजिक सञ्जाल फेसबुकमा राखेर सार्वजनिक गर्नुभएको छ ।

माउण्टेन टेलिभिजनमा कार्यरत पत्रकार धितालका अनुसार नोटमा गर्भनरको हस्ताक्षर समेत बुझिने गरी छैन ।

हेर्दा चल्तीमा रहेको जस्तो देखिने पुरानो भैसकेको नोटको दायाँ र बाँयाँपट्टी हुने दुबै नम्बर छैन ।

बजारमा भारतीय नक्कली नोटको बिगबिगी बढेको समाचार आइरहेका बेला नेपाली नोटमा समेत गम्भिर त्रुटी देखिदा नेपाली नोटको नक्कली कारोबार समेत मौलाएको होकी भन्ने आशंका पैदा भएको छ ।