इलाम पशुपतिनगर भन्सारको राजश्व असुली बढ्यो

Posted on: June 02, 2016 | views: 270

२० जेठ, इलाम ।
इलामको पशुपतिनगरमा रहेको भन्सार कार्यालयको राजस्व असुली लक्ष्यभन्दा १५ लाख बढि असुली गरेको छ ।

कार्यालयले चालु आव २०७२/०७३ मा ८६ लाख ५० हजार राजस्व असुली गर्ने लक्ष्य राखेकामा चालु आवको वैशाख महिनासम्ममा  ९५ लाख ५४ हजार नौ सय ४४ राजस्व सङ्कलन गर्न सफल भएको हो ।

कार्यालयले आव ०७१/७२ को यही अवधिमा  ७५ लाख १० हजार आठ सय ९६ मात्र राजस्व सङ्कलन गरेको थियो ।

कार्यालयले भन्सार जाँचपासमा कडाइ गर्दै सरोकारवालासँग राजस्वका बारेमा अन्तक्र्रिया, छलफल कार्यक्रम तथा चोरी निकासी नियन्त्रण गरेका कारण भन्सार असुली बढेको भन्सार अधिकृत प्रकाश पोखरेलले बताउनुभयो ।