ट्यांकर चालकले बाटोमै रोकेर तेल झिक्छन

Posted on: May 28, 2016 | views: 318

१५ जेठ, काठमाडौ ।
ट्यांकरमा कम तेल भए पनि तोकिएकै परिमाणमा रहेको प्रमाणपत्र तयार गर्ने चालकले प्रत्येक ट्यांकर बाटोमै रोकेर तेल झिक्छन् ।

चालकले एउटा ट्यांकरबाट औसतमा ४० लिटर तेल झिक्ने गरेका छन् । चालकले १२ हजार लिटर क्षमताको ट्यांकरबाट ४० लिटर तेल झिक्दा पनि सो ट्यांकरमा १२ हजार लिटर नै तेल रहेको क्यालिब्रसेन देखाउने गरेका छन् ।

‘निगमले आफ्ना डिपोमा आएको ट्यांकरको तेल फ्लो मिटर, विङ ब्रिज 'ट्यांकरसहित तेल नाप्ने यन्त्र' ले नाप्दैन, भारतीय क्यालिब्रेसनअनुसारकै डिप रडबाट नापेर चोरीलाई वैधानिकता दिइरहेको छ,’ स्रोतले भन्यो, ‘यसमा कर्मचारीको समेत मिलेमतो छ ।’

गत पुसमा गुणस्तर तथा नापतौल विभागले क्यालिब्रेसन गर्दा ट्यांकरमा कम तेल आइरहेको पुष्टि गरेको थियो । विभागको वीरगन्जस्थित क्षेत्रीय कार्यालयले निगमको अमलेखगन्जस्थित डिपोमा क्यालिब्रेसन गरेको थियो ।

ना।४ख ३९३७ नम्बरको ट्यांकरको चार हजार लिटरको च्याम्बरमा डिप रडको १३४।४ सेन्टिमिटर उचाइसम्म मात्रै तेल पाइएको थियो ।

तर, सो च्याम्बरमा चार हजार लिटर तेल हुन डिप रडको १३४।७ सेन्टिमिटर उचाइ पुग्नुपर्नेमा गुणस्तर विभागको मापनले ०।३ सेन्टिमिटर अर्थात् १० लिटर तेल कम देखायो । आजको नयाँ पत्रिकामा समाचार छ।