हुलाकी राजमार्ग निर्माण भारतसँग सम्झौतामा त्रुटि –सभापति साह

Posted on: May 27, 2016 | views: 242

१४ जेठ, काठमाडौं ।
अन्तर्राष्ट्रिय सम्बन्ध तथा श्रम समितिका सभापति प्रभु साहले तराईको हुलाकी राजमार्ग निर्माणसम्बन्धी नेपाल र भारत सरकारबीचको सम्झौतामा त्रुटि रहेको बताउनुभएको छ ।

समितिको कार्यकक्षमा आज पत्रकार सम्मेलन गरी उहाँले सम्झौतामा उल्लेख भएको ९० प्रतिशत जग्गा अधिग्रहण भएपछि मात्रै निर्माण अगाडि बढाउने, परामर्शदाताको छनोट भारतले गर्नेजस्ता प्रावधानले राजमार्ग निर्माणमा थप ढिलाइ हुने टिप्पणी गर्नुभयो ।

उहाँले हुलाकी राजमार्गको ५ सय १८ किलोमिटर सडक निर्माण गर्न यसअघि १४ अर्ब रुपैयाँ लाग्ने तय भएकामा सम्झौतामा त्यसलाई घटाएर आठ अर्ब बनाउनु अर्को त्रुटि भएको बताउनुभयो ।