बसर्यापिड ट्रान्जिट र मेट्रो केवल कार निमार्ण अध्ययन जिम्मा लगानी वोर्डलाई

Posted on: May 27, 2016 | views: 320

१४ जेठ, काठमाडौं ।
सरकारले काठमाडौ उपत्यकामा वस र्यापिड ट्रान्जिट र मेट्रो केवल कार निमार्ण तथा विकासका लागि सम्भाव्यता अध्ययन गर्न तथा कार्यान्वयन गर्ने कार्यका लागि लगानी वोर्डलाई तोक्ने निर्णय गरेको छ ।

प्रधानमन्त्री निवास वालुवाटारमा हिजोसाझ वसेको मन्त्रीपरिषदको बैठकले जीयो थर्मल पावर प्लान्टको सम्भाव्यता अध्ययन, विकास र कार्यान्वयन सम्वन्धी कार्य गर्न समेत लगानी वोडलाई तोक्ने निर्णय गरेको सरकारका प्रवक्ता एवं सूचना तथा संचारमन्त्री शेरधन राइले बताउनु भयो ।

बैठकले जापान सरकारबाट हियूमन रिर्सोस स्कर्लसीप प्रोजेक्टको लागि प्राप्त हुने अठ्ठाइस करोड ४७ लाख रुपैया अनुदान सहायता स्वीकार गर्ने निर्णय गरेको छ ।

इन्जिनियर समुहबाट संजय शर्मालाई सचिव पदमा बढुवा गरि खानेपानी तथा सरसफाई मन्त्रालयमा पदस्थापना गर्ने लगायतका निणर्य मन्त्रीपरिषदेको बैठकले गरेको संचारमन्त्री राईले जानकारी दिनु भयो ।