मल अभाव हुन दिंदैनौं आपूर्ति मन्त्रालय

Posted on: May 24, 2016 | views: 155

११ जेठ, काठमाडौं ।
कृषहरुलाई धान रोपाईका समयमा रासायनिक मलको अभाव हुन नदिनका लागि थप २० हजार मेट्रिक टन रासायनिक मल आयातको व्यवस्था मिलाइएको आपूर्ति मन्त्रालयले जनाएको छ ।

कृषि विकास मन्त्रालयसँगको समन्वयमा साल्ट ट्रेडिङ कर्पोरेशनबाट आगामी असारभित्रै थप २० हजार मेट्रिक टन डीएपी रासायनिक मल आयातको व्यवस्था मिलाइएको आपूर्ति मन्त्रालयका सहसचिव एवं प्रवक्ता आनन्दराम रेग्मीले जानकारी दिनुभयो ।

सहसचिव रेग्मीले साल्ट ट्रेडिङ कर्पोरेशनले प्रतिस्पर्धाका आधारमा भारत सरकारको स्वामित्वमा रहेको इण्डियन पोटास लिमिटेडबाट डीएपी रासायनिक मल आयात गर्ने पनि स्पष्ट गर्नुभयो ।